Is post me hum INSAS rifle ke important drills jaise bharna, khali karna, ready aur make safe ko asaan Roman Hindi me samjhenge. Ye sab drills training ke saath-saath real firing situations me bhi bahut important hote hain.
Sabse Pehle Samjhe (Basic Meaning)
Sabse pehle ye jaan le ki upar bataye gaye sabhi shabdon ka matlab kya hota hai. Rifle chahe INSAS ho ya SLR, bharna, khali karna, make safe aur ready karne ki drill lagbhag same hoti hai.
Khali Karna
Jab rifle par khali magazine lagi ho, chamber khali ho aur change lever ki position S par ho, to rifle khali mani jati hai.
Rifle Bhari Hui
Jab rifle par bhari hui magazine lagi ho, chamber khali ho aur change lever ki position S par ho, to rifle bhari hui mani jati hai.
Rifle Ready
Jab bhari magazine lagi ho, chamber me round ho aur change lever ki position R ya B par ho, to rifle ready mani jati hai.
Drill
In drills ki zarurat sirf training ke dauran hi nahi balki ARC ya kisi bhi jagah firing ke samay bhi hoti hai. Ye safety ke liye ek tested drill hai. INSAS aur SLR dono ka drill same hota hai.
Bhar Position
Bhar position ke order par:
Baaye paon ko aage badhaye, daahine haath se rifle ko badan ke aage laate hue toul wali jagah se pakde.
Dhyan dene wali baate:
- Dono paon kad ke hisab se khule ho
- Sharir ka wajan dono paon par ho
- Baaya haath forehand guard par ho
- Daahina haath pistol grip par ho
- Rifle daahini bagal me dabi hui ho
Bhar Position Bhar (Load Karna)
Is hukm par jab target dikhai de ya order mile “bhar”, to karwai is prakar kare:
- Change lever ko S par kare
- Magazine catch dabakar magazine nikaale
- Magazine ko pouch me rakhe
- Pouch se bhari hui magazine nikale
- Magazine ko check kare aur rifle me lagaye
- Yakeen kare ki magazine achhi tarah lag gayi hai
- Baaya haath wapas forehand guard par le aaye
Puri karwai baaye haath se hogi
Daahina haath pistol grip par hi rahega
Ready Position
Jab fire karne ka irada ho ya order mile “ready”:
- Change lever ko R ya B par kare
- Butt ko kandhe par jamaye
- Rifle ko cock kare
- Ungli trigger ke upar rakhe
- Agle order ka intezar kare
Make Safe Ki Karwai
Jab bhari rifle ko ek jagah se dusri jagah le jaana ho, tab make safe kiya jata hai.
Steps:
- Ungli trigger se hata le
- Rifle ko daahine taraf turn kare
- Do baar cock kare
- Sahi nishana lekar trigger press kare
- Rifle ko kandhe se neeche laaye
- Change lever ko S par kare
- Magazine lagaye aur check kare
Agar cock karte waqt round niche gir jaye to use uthakar saaf karke wapas magazine me bhar de
Khali Kar
“Khali kar” ke order par make safe jaisi hi karwai ki jati hai aur ant me khali magazine laga di jati hai.
Safety Important Baaten
- Rifle handling me safety sabse important hai
- Accidental fire adhiktar laparwahi ki wajah se hota hai
- Hamesha sahi drill follow kare
- Training ke rules ko ignore na kare
Conclusion
INSAS rifle ko bharna, khali karna, ready aur make safe karna ek basic lekin bahut hi important drill hai. Agar inhe sahi tarike se follow kiya jaye to accidents se bacha ja sakta hai aur safety maintain rehti hai.
RELATED BLOG —
- Map Reading basic
- ATTACK KI PARICHAY
- 5.56mm INSAS राइफल की चाल
- 5.56 mm INSAS LMG basic data
- अम्बुश (Ambush) part 1
- Technical data of 5.56mm INSAS Rifle
Ager apko AI or Tecnology main interast hai to hamare dusre website onespaceai.com main zarur visit kare thank you.