Defence Planning Ke Dauran Dhyan Mein Rakhne Wali Baten
1. Zaruri Zameen
Defence ki banawat is prakar honi chahiye ki defence ki ladai chunne hue mahatvapurn bhumi ya saamrik mahatva ki bhumi se dur ho. Aise zameen ko parantu hamesha regular troops ke saath occupy kiya hona chahiye.
2. Shatru Ka Khatra Aur Aane Ke Raaste
Tazweez banate waqt yeh zaruri hai ki Commander shatru ke aane ke raaste aur un raaston par shatru ki taqat ka dhyan karein. Defence ki layout is prakar honi chahiye ki in raaston ko band kiya jaye aur saath hi saath dhyan mein rakha jaye ki shatru humle ghehra daal kar aakraman na kar sake aur na hi bypass kar sake.
3. Task Ki Zaruraten
Ilaqe ke failav, dushman ke raaste aur mahatvapurn bhumi ko dhyan mein rakhkar yeh anumaan lagana zaruri hai ki troops ki zarurat kitni hai. Kis zameen ko pakda jaye aur kisi zameen ko kisi aur tarike se raksha kiya jaye, troops ki zarurat aur maujoodgi par nirbhar karega.
4. Contingency Planning
Ilaqe ke failav aur troops ki kami ko contingency position dwara pura kiya ja sakta hai.
5. Kudrati Rukawatein
Planning ke dauran Commander ki koshish honi chahiye ki kudrati obstacle ka istemal is tarah kiya jaye ki banawati rukawaton ki zarurat kam ho sake. Kudrati rukawaton ko istemal karne ke chakkar mein zaruri zameen ko nahi chhodna chahiye.
6. Banawati Rukawatein
Inka istemal post/locality ke bachav ke liye, shatru ko surprise karne aur uske time plan ko bigaadne ke liye kiya jata hai.
Mine, booby trap, claymore, tar ityadi sabhi rukawaton ka mila-jula istemal karna chahiye. Sabhi rukawaton ko fire ya observation se cover karna zaruri hai.
7. Surprise
Achi chhupao kiye hue defences shatru ko surprise kar sakti hain. Defence ki nafri aur layout nimn prakar se chhupaye ja sakte hain:
- (a) Shatru aur defences ke beech ke kshetra mein havi rehkar
- (b) Defences, headquarters aur OP/LPs ka accha camouflage aur concealment karke
- (c) Track discipline
- (d) Cookhouse se nikalne wale dhuen ka chhupao
- (e) Temporary aur Alternate location ka istemal
- (f) Radio silence
8. Reverse Slope Position
Zameen ki banawat ya shatru se lagao ke karan reverse slope par position lene ki zarurat padegi. Aise mauke par forward slope ko flank aur fire se dominate karna zaruri hai.
9. Observation Posts
OPs ka chunao is prakar hona chahiye ki pure failav par lagatar nigrani bani rahe.
10. Samay Aur Sadhanon Ki Aavashyakta
Defence ki banawat defence ko taiyar karne ke liye samay aur sadhanon par bhi nirbhar hai. Is liye planning ke dauran is par dhyan rakhna zaruri hai.
11. Defence ki Bandobast
Defence ki planning mein uska maintenance, saajo saman ko dump karne ke liye jagah aur casualty evacuation ki planning bahut mahatvapurn hai.
12. Reserves
Sabhi contingency plan ki jaankari aur unki lagatar prashikshan defence mein kamyabi ke liye zaruri hai. Iske liye reserve niyukt kiye gaye post wa Coy commanders ko chahiye ki weh in karwaiyon par dhyan rakhen.
DEFENCE KE DARJE
1. Para Gen – Four Stage
2. Taiyari Ka Darja (Preparatory Stage)
Defence ki yojna aur taiyari karne ke waqt ko Taiyari ka darja kehte hain. Is waqt shatru bhi apni aakraman ki taiyari aur recce ki karwai kar raha hota hai.
3.
Kisi bhi defence ko hum puri tarah taiyar kabhi nahin maan sakte. Taiyari ki karwai defence ke sabhi darjon mein chalti rehni chahiye.
4. Taiyari ke Darje mein hone wale kuch karwai:
- (a) Covering Troops aur Screens ki deployment
- (b) Troops ka move aur defences mein jana
- (c) Defences ka nirman
- (d) Shatru ke taiyari mein dhakal dena
- (e) Shatru ki khabar hasil karna
- (f) Apni hifazat
Pratirodh Ka Darja (Resistance Stage)
5.
Jab shatru apne defences ko bhedne ki koshish mein laga ho usse Pratirodh ka Darja kehte hain. Shuruaati daur mein defence ka uddesh hota hai shatru ke aakraman ko shuru hone se pehle hi vifal karna.
Isko karne ka tarika:
- (a) Rakshaatmak Fire (DF)
- (b) Spoiling Attack
6.
Defence main Jaise jaise shatru aage badhega uske upar sabhi kism ke hathiyaron ka fire badhta jayega. Isi samay shatru ko vibhinya prakar ke rukawaton ko bhi paar karna padega. Nazdiki rangeon par usse infantry ke small arm fire ka saamna karna padega jo sabse jyada ghatak hoti hai.
7.
Defence ke darje mein ho sakta hai ki agravarti localitiyon ka kuch hissa shatru ke kabje mein aa jaye. Aisa hone par halaat ke anusaar rush drills, readjustments, reinforcement aur sthaniya jawabi hamle ki karwai ki jati hai.
8.
Har level ke Commander ko chahiye ki shatru ke antar bhedan ko rok diya jaye. Jab shatru ka antar bhedan itna ho jaye ki us kshetra ke defence par khatra nazar aaye to uchch Commander dwara niyukt kiye hue reserve ko deploy karke shatru ke antar bhedan ko rokta hai — isse Counter Penetration kehte hain.
Defence me Jawabi Hamle Ka Darja (Counter Attack Stage)
9.
Jab shatru ka antar bhedan itna ho jaye ki pure kshetra ke defence ko khatra paida ho tab niyukt kiye hue reserve dwara ek yojanabad aur samanvit tarike se hamla kar ke usse nikala jata hai. Isse Aayojit Jawabi Hamla ya aakraman kehte hain.
10.
Aayojit jawabi hamle ki karwai division ya uske upar level ke Commander dwara sangathit kiya jata hai. Iska uddesh hota hai:
- (a) Mahatvapurn Bhumi par punar kabja karna
- (b) Antar bhedan kiye hue shatru ko barbaad karna
RELATED BLOG —