1. Warning Order
Apna task mil jane par Bn Cdr warning order dete hain.
Warning order milte hi Coy aur pl Cdr ko chahiye ki usko fauRan jari karen aur us par karwai shuru karen.
Warning order mein niche di hui batein shamil hote hain:-
(a) Task.
(b) O gp ke liye RV aur waqt.
(c) Assy A.
(d) Assy A ko move karne ka waqt. Yeh aam taur par NMB baje se pahale move nahi hoga. Is tarah diya jata hai.
(e) Bandobast ke liye khas hidayaten.
2. Khabar Hasil Karna
Hamle ke liye shatru aur zamin ke bare mein puri khabaren honi chahiye.
Bn Cdr ko kuch khabaren bade HQ se mil jate hain. Lekin yeh kafi nahin hoti.
Lagao wale uniton se aur patrolon ke zariye khabaren hasil ki jati hain.
Khabaren un muddOn ke bare mein hasil karni padti hain:-
(a) Dushman ki nafri aur dply.
(b) Def ki details shamil obsts.
(c) Top khane aur HQ ki loc.
(d) EW daston ki loc aur kaam karne ka tariqa.
3. Bn Cdr ke hukum ke anusar patrolon ke zariye khabaren hasil karna sub-unit Cdr ki khas zimmedari hai.
Yeh patrolling kafi ehtiyat se karni chahiye, kyon ki achchi tazwij banane ka dar-o-madar sahi khabaron par hi hai.
4. Battalion Commander Ki Recce Aur Soch Vichar
Warning order de chukne ke baad Bn Cdr apne R gp ke sath shuru-shuru ki recce karte hain aur apni tazwij banane ke liye chand ek baton ka faisla karte hain.
5. Shuruati Hukum
Shuru-shuru ki recce ke baad Bn Cdr shuru ke hukum de dete hain.
In hukumon mein utne hi batein shamil karte hain jinse ki Coy Cdr ko apni tazwij banane mein madad mil sake.
6. Coy/Pl Commanders Ka Recce Aur Soch Vichar
Shuru-shuru ke hukum mil jane par sub unit Cdr apne recce shuru kar dete hain.
Isi dauran mein Bn Cdr bhi tafseel mein recce karte hain.
7. Recce Aur Soch Vichar Ke Dauran Company Aur Platoon Level Par Gaur Karne Ki Baten
(a) Objectives
Coy darje par obj Bn Cdr ki taraf se aur pl darje par Coy Cdr ki taraf se mil jata hai.
Company Cdr ko chahiye ki mile hue obj ko dhyan mein rakhte hue apne platoonon ke liye baant karen.
Coy darje par baant karna zaruri hai, kyon ki Coy Cdr hamle mein assaulting pl se pichhe aata hai.
Magar pl darje par baant karna zaruri nahi hoga, kyon ki pl Cdr hamle ke dauran aage wale sectionon ke beech aur thoda hi pichhe hamle mein shamil hota hai.
Lekin sec cdrs aur jawanon ko pl ke obj achchhi tarah malum hona chahiye.
(b) Phases
Pl obj ke anusar, Coy Cdr apne hamle ko phase mein baant ta hai.
Har phase ka apna fire support aur start line hoga.
Do phases ke beech chhote re-org ki karwai ke liye samay dena chahiye.
(c) Grouping
Apne hamle ko munasib phases mein baantne ke baad, Coy Cdr, pl ko assault aur reserve ech mein grouping karta hai.
(d) Atk Ka Rukh
Obj ke lihaaz se Coy Cdr Bn Cdr ke diye hue axis ke anusar hamle ka sabse safal rukh chunta hai.
Hamle ka rukh zameen ki banawat, shatru ke layout aur samay par nirbhar hai.
Rukh ko banaye rakhne ke liye zamini nishan ka chunao karna padega.
(e) Timing
Har phase ko sampann karne ka nischit samay tay karna zaruri hai.
Yeh zameen, mausam aur shatru ke sankhya par nirbhar hoga.
(f) Haden
Coys ke liye haden Bn Cdr ki taraf se mil jate hain.
Lekin pls ke beech ki had mukarar karna Coy Cdr ki zimmedari hai.
Haden mashoor zamini nishanon ke zariye start line ki taraf se obj ki taraf ho agar mumkin ho sake to aage badhne ki had tak di jayen.
Pl darje par pl Cdr aage wali dono secs ke beech aur thoda pichhe hone ki wajah se had mukarar karna zaruri nahi hai, jab ki sec cdrs aur jawanon ko achchhi tarah malum ho ki pl obj kahan se kahan tak hai.
(g) Advance Ki Raftar
Hamle ke liye advance ki raftar Bn Cdr dwara nirdharit ki jayegi.
Is par Bn ka fire support nirbhar hai.
Chalne ki raftar din/raat, zameen ki banawat, rukawaton ki banawat aur shatru ke action par nirbhar hai.
(h) Reorganisation
Reorg ke liye Coy aur pl cdrs ko chahiye ki woh pahale se hi apni sub uniton ke liye jagah aur task ka chunao karen.
Iske ilawa Coy darje par agar uske sath koi sp arms hai to uske liye posn ka faisla karna chahiye.
(j) Exploitation
Bn Cdr ke hukumon ke anusar Coy Cdr ko apne pl ko exploitation ke liye tasking karna padega.
(k) Imdadi Daston Ka Istemal
Bn ke deliberate attack mein fire ki tazwij Bn Cdr hi banate hain.
Coy Cdr apne zarurat ke mutabik unko mashware de sakte hain.
Agar Coy ke sath FOO ya MFC ho to Coy Cdr ko chahiye ki inke saath mil kar madad ke nishan muqarrar kare, taki zarurat padne par nikalne wale targeton ko fauran engage kiya ja sake.
(l) Rukawaton Ko Paar Karna
Deliberate attack mein Bn Cdr faisla karte hain ki shatru ki posn ke samne mine field aur taar ki rukawaton ko kis tarah paar kiya jayega aur paar karne ke liye formation kya hoga.
Rukawat paar karne ka ilaqa sub unit cdrs ko din ki roshni mein recce kar lena chahiye aur agar mumkin ho to aage wali coys ko un ilaqon mein patrolen bhejni chahiye.
Taar ki rukawat shayad kisi had tak arty fire se hi barbaad ho jayen.
Lekin isko paar karne ke liye har halat mein pahale se hi tazwij bana leni chahiye.
Is kaam ko pura karne ke liye assault sec pioneers aage wali companyon ko muhaiya ki jati hain.
Har pl ke liye Bangalore Torpedo ke zariye kam se kam ek gap banana inki zimmedari hoti hai.
8. Battalion Commander Ke Pure Hukum
Tafseel mein recce kar chukne ke baad Bn Cdr supporting arms cdrs aur Coy Cdr se salah mashwara lekar akhari tazwij banate hain aur pure hukum dete hain.
9. Hukumon Mein Shamil Karne Wali Zaruri Batein
Bn Cdr se pure hukum mil jane par Coy Cdr tafseel mein recce karte hain aur pure hukum taiyar karte hain aur O gp ko de dete hain.
Isi tarah pl Cdr pure hukum mil jane par recce karte hain aur tazwij banakar apne pure hukum jari karte hain.
Pl cdrs ke hamle ke hukumon mein shamil hone wale batein Appx ‘M’ mein di gai hain.
10. Troops Ki Briefing
Aam taur par Coy ya pl Cdr hi hone wali karwai ke bare mein jawanon ko brief karte hain.
Magar khas mauke par Bn Cdr bhi tamam Bn ko brief kar sakte hain.
Agar jawanon ko hone wali karwaiyon ke bare mein achchhi tarah se batadiyajaye to woh hausle aur bharose ke saath ladai mein shamil hote hain.
Lekin briefing hukumon ki jagah nahi le sakta.
Har halat mein sub unit Cdr durust dhang se tartibwar apne hukum denge.
11. Bandobasti Karwaiyan
Kisi bhi ops ki kamyabi kafi had tak uske plan par nirbhar karti hai.
Iske liye pure hamle ke dauran zarurat ke chizon ko ikattha karna aur unko aisi tartib mein rakhna jaise zarurat ke samay woh jahan chahiye mil saken.
12. Security
Apne plan ka security ka khas khyal rakhen.
Dushman ko hamle ka jitni der se pata chalega, use jawabi karwai ke liye utna kam mauqa milega.
Achchhi security banaye rakhne ke liye:-
(a) Din mein harkat mat karen.
(b) Cam aur concealment par zor dein.
(c) Lagao wali uniton ke sath jt patrolling karte samay apni pehchan chhupayen.
(d) Sig security ka khas khayal rakhen.
(e) Harkat ko cover karne ke liye smk ka istemal halat ke mutabik karen.
13. Staging Area
Taiyari ke hamle mein hamla war nimnalikhit ilaqon se gujarten hain:-
(a) Assy A.
(b) Fwd Assy A (jab Assy A aur obj ke beech fasla zyada ho).
(c) FUP
(d) SL (e) Obj.
14. In Staging Area Mein Nimnalikhit Karwai Hoti Hai
(a) Assy A / Fwd Assy A
(i) Apne zimmedari ke ilaqe par dply hona.
(ii) Tps ko detailed briefing.
(iii) Reorg stores ko sec wise bundles mein baant kar Pl wise bundles banana aur mark karna.
(iv) Tps ko rest dena.
(v) Imdadi daston ke sath mel milap.
(b) FUP
(i) Pl guide ki madad se Pl rod posn par lagna.
(ii) Pl ko obj dikhana.
(iii) H hr par SL ko paar karna.
(c) Obj
(i) Aslt.
(ii) Reorg.
(iii) Exploitation.
15. Troops Ka Assembly Area Mein Pahunchna
Hamlawar tps conc area se assy area ko move karte hain.
Jahan ki woh hamle ki taiyariyan puri karte hain.
Assy area mein niche ke mutabik karwai ki jati hai:-
(a) Sp arms ke sath milap.
(b) Bandobasti karwaiyan jaise ki khana, pani, ration aur amn ki baant.
(c) Hathiyar aur eqpt ki taiyari.
(d) Radio set ko net karna.
16. Assy area mein theharne ka waqt operation ki halat, tps ki banawat, obj se doori par munhasir hai jo ki 2 ghante se 24 ghante tak ho sakta hai.
17. Aam taur par assy area 2 se 5 km ke doori par hota hai.
Ismein niche di hui khubiyan honi chahiye:-
(a) Hifazat mein ho zamini aur hawai dekhbhal se chhupao mein ho.
(b) Mumkin arty tgt na ho.
(c) Shatru ke mor range se bahar ho.
(d) Kafi jagah ho taki tamam tps, vehs aur saman asani se sama sake.
(e) Gadiyon ke liye aane ka rasta ho.
18. FUP Tak Ki Harkat
Assy area se tps FUP ko jate hain.
Jane ka rasta agar zarurat ho to mark kiya hua hota hai aur guide muhiya kiye jate hain.
Woh admi aur gadiyan jo hamle mein hissa nahi le rahe hon assy area mein rah jate hain aur baad mein aage aate hain.
Assy area se FUP tak harkat ki tartib aisi honi chahiye ki coys aur pls ek dusre ke sath aapas mein mil na jayen aur ek dusre ke andar se na gujren.
FUP mein coys, pl aur sec obj ke barabar form up hoti hain aur wohi formation ikhtiyar karti hain jismein ki hamla karna ho ya rukawaton ko paar karna ho.
19. Deployment ki karwai, khas karke din ke waqt, jitni jaldi ho sake kar leni chahiye.
Yeh aam taur par 15 se 20 min tak ho jati hai.
Agar mumkin ho to FUP mein niche di hui siften honi chahiye:-
(a) Hifazat mein ho aur dekh bhal se chhupao mein ho.
(b) Shatru ke mumkin DF na ho.
(c) Start line ke nazdik aur barabar mein ho.
(d) Form up hone ke liye jagah kafi ho.
(e) Small arms range se chhupav mein ho.
(f) Obj se square ho.
20. Bn ki FUP mark karne ka tariqa Appx ‘N’ mein dekhen.
21. Start Line
Yeh ek farzi line hai agar mumkin ho to zamini nishanon se jahir ki jati hai.
Aage wale tps FUP se is tarah aage badhte hain ki woh sahi fmn mein H hour par start line ko paar kar saken.
Start line FUP ka agla kinara ho sakta hai ya us se aage bhi ho sakti hai.
Yeh obj ke barabar honi chahiye (square to the obj).
RELATED BLOG —